Bakıda Prado, Mercedes və BMW X5 toqquşdular: 4 yaralı - YENİLƏNİB - FOTO

9 Mart 2013 21:00

Akademik Həsən Əliyev və Atatürk küçələrinin kəsişməsində yol qəzası baş verib. Trend-in məlumatına görə, toqquşma nəticəsində 4 avtomobilə zərər dəyib: BMW X5, Toyoto Prado, Mercedes GL və Tofaş.

Şahidlərin sözlərinə görə, BMW X5 toqquşma nəticəsində bir neçə dəfə çevrilib və alışıb. Avtomobilin söndürülməsinə isə 2 yanğınsöndürən maşın cəlb edilib.

Hadisə yerində çoxsaylı yaralılar var. Lakin ölənlər haqqında məlumat verilmir.

-------
20:35

Milli.Az APA-ya istinadən bildirir ki, Bakının Nərimanov rayonunda 4 nəfərin yaralanması ilə nəticələnən yol qəzası baş verib.

Nərimanov Rayon Polis İdarəsindən verilən məlumata görə, Həsən Əliyev küçəsində "Prado", "Mercedes" və "BMW X5" markalı avtomobillərin toqquşması nəticəsində həmin maşınlarda olan 4 nəfər müxtəlif dərəcəli bədən xəsarətləri alıb.

Dərhal əraziyə Fövqəladə Hallar Nazirliyinin (FHN) xilasediciləri, Nərimanov Rayon Polis İdarəsinin və Təcili Tibbi Yardımın əməkdaşları gəliblər. Yaralılar xəstəxanaya aparılıb.

------
20:29