Mətbəx sirləri: Düyü kotleti - FOTO

3 Fevral 2013 07:00

Tərkibi:

1-2 st. düyü
150 q pendir
1 yerkökü
1 banka balıq konservi (sardina)
1 soğan
2 yumurta
duz
istiot
bitki yağı
qoz və ya narın suxarı

Soğan və yerkökünü bitki yağında qovurun.

Düyünü bişirib soyudun. Onu əvvəlcədən çoxlu yumaq, bişəndən sonra üstündən su axıtmaq lazım deyil - o bizə yumşaq və yapışqan halında lazımdır.

Balıq konservini çəngəllə əzin.

Düyü, soğan-yerkökü qovurması, pendir, un və yumurtaları qarışdırın, duzlayıb-istiotlayın. Bu, qiymə olacaq.

Qozu xırdalayın.

Qiymədən kotlet düzəldib qoza, əgər yoxdursa, narın suxarıya batırın. Kotletləri bitki yağında, ağzı örtülü tavada bişirin.

Nuş olsun!

Milli.Az