Ata təklifi: bu qızı alan milyonçu olacaq - FOTO
28 Yanvar 2013 13:56
Kişilərə nifrət edən və lesbiyan olan Qiqini nikaha razı salacaq adama, yəni gələcək kürəkəninə Çao cehiz qismində 52 milyon dollar verəcəyini söyləyib.
Bundan başqa, Honkonqda daşınmaz əmlak maqnatlarından biri sayılan Sesil Çao gələcək kürəkəninə lüks avtomobillər, yaxta və ən başlıcası, çox bahalı malikanə də bağışlayacaq.
Çao qızı ilə bağlı təklifi ilk dəfə aylar əvvəl səsləndirsə də, Qiqinin könlünü ala bilən adam tapılmayıb.
Cheuk Nang Holdings-in banisi və prezidenti olan atanın dediyinə görə, qızı artıq 8 ildir ki, sevgilsii olan başqa qızla yaşayır.
Milli.Az The Financial Times-a istinadən bildirir ki, 76 yaşlı milyarder, arvadbazlığı ilə ad çıxarmış Çaonun sözlərinə görə, Honkonqun qərb sahilindəki Happy Home Lodge malikanəsini də gələcək kürəkəninə hədiyyə edəcək.
4-mərtəbəli super lüks malikanənin sahəsi 16 min kvadrat futdur.
Çinin Şanxay şəhərində, yoxsul ailədə doğulmuş milyarder Çaonun dediyinə görə, indiyədək 10 min məşuqəsi olub.
Qiqinin isə ərə getmək niyyəti yoxlur. O, Çao Nanq adlı qızla birlikdə yaşayır.
"Qızımı ərə vermək və biznesimi nəvəmə tapşırmaq istəyirəm. Mənim varisim olmalıdır. Qızımı alacaq adamı isə bəxtəvər, milyonçu edəcəyəm. Təki Qiqini alsın, onunla ailə qursun və məni baba etsin. Baba olmaq istəyirəm", - Çao deyib.
33 yaşlı Qiqinin həyatında indiyədək kişi olmayıb və o, əsla ərə getmək istəmədiyini deyir.
Qiqi onu da vurğulayıb ki, Parisdə sevgilisi Çao Nanqla nikah da kəsdirib.
Milli.Az
Böyütmək üçün şəkillərə klikləyin.
Fotolar: Reuters, Financial Times
