Rəqiblər Apple-i qabaqlamaq istəyir

28 Dekabr 2012 21:55

"Business Insider" nəşrinin redaktoru Stiv Kovaç qeyd edib ki, "ağıllı" TV "LG", "Samsung", "Sony" və "Panasonic" kimi şirkətlərin təqdimatında mühüm yer tutacaq.

Milli.Az ICTnews-a istinadən bildirir ki, "Consumers Electronics Show 2013" (CES) sərgisi 2013-cü ilin 8-11 yanvar tarixlərində ABŞ-ın Las-Veqas şəhərində keçiriləcək. Jurnalist hesab edir ki, "ağıllı" TV ideyası yaxın üç həftə ərzində fəal şəkildə müzakirə ediləcək.

Bundan sonra yeniliklər ətrafında səs-küy məhsullar satışa çıxarılanadək davam edəcək. Kovaçın fikrincə, istehsalçılar yeni nəsil "ağıllı" televizor istehsalında "Apple" şirkətini qabaqlamaq istəyirlər.

Milli.Az