Məşhur konstruktor reanimasiyaya yerləşdirilib

25 Dekabr 2012 20:41

APA-nın RİA Novosti agentliyinə istinadən verdiyi xəbərə görə, bu barədə Mixail Kalaşnikovun referenti Nikolay Şklyayev məlumat verib.

O bildirib ki, M.Kalaşnikov dekabrın 20-də reanimasiya şöbəsinə yerləşdirilib. Amma onun dəqiq hansı xəstəxanada olduğu məlum deyil. N.Şklyayevanın sözlərinə görə, M.Kalaşnikov 2012-ci ilin martından özünü pis hiss edir və həmin vaxtdan işlərini dayandırıb.

"Lifenews"-un məlumatlarına görə isə M.Kalaşnikov Udmurt Respublika Klinik Kardiologiya Klinikasına yerləşdirilib. Klinikanın əməkdaşının bildirdiyinə görə, konstruktor klinikaya müalicə üçün gətirilib: "Lakin müalicə zamanı onun halı daha da pisləşib. Kalaşnikov cavan olmadığından belə hallarda risk etmək çox təhlükəlidir. Buna görə də o, təcili reanimasiyaya yerləşdirilib. Hazırda onun həyatı üçün təhlükə yoxdur".

Qeyd edək ki, noyabrın 10-da Mixail Kalaşnikovun 93 yaşı tamam olub.

Milli.Az