Filippini güclü zəlzələ silkələdi

25 Noyabr 2012 18:43

Milli.Az RİA Novosti-yə istinadən bildirir ki, bazar günü Filippin arxipelaqının cənub hissəsində, Mindanao adasının qərbində 5,2 bal gücündə zəlzələ olub.

Seysmoloqlar bildirirlər ki, zəlzələnin episentri Sultan-Kadarat əyalətindəki Kalamansiq şəhərindən 78 km cənub-qərbdə olub. Zəlzələ ocağı Sulavesi dənizinin 612 km dərinliyində yerləşib.

Sunami xəbərdarlığı edilməyib, tələfat və itkilər barədə məlumat verilmir.

Filippin ərazisindən "Sakit okeanı odlu kəməri" - 40 km uzunluqda vulkan və tektonik sınma xətti keçir. "Kəmər" Cənubi və Şimali Amerika sahillərindən Alyaskanın cünubunadək uzanır, oradan Yaponiya və İndoneziya tərəfə dönür və Yeni Qvineya, Yeni Zelandiyanı ötərək Okeaniyanın cənub-qərbində bitir. Məhz "odlu dairədə" planetin məşhur vulkanları yerləşir. Yer kürəsində baş verən zəlzələlərin 90%-i də bu ərazinin "payına" düşür.

Milli.Az