"Neftçi"nin rəqibləri əzəli düşmənlərinə qarşı

17 Noyabr 2012 10:34

Bu gün futbol üzrə Rusiya və Serbiya çempionatlarında növbəti turun oyunları keçiriləcək. Azerisport.az xəbər verir ki, Avropa Liqasının qrup mərhələsində Azərbaycan çempionu "Neftçi"nin rəqibi olan klublar da növbəti sınaqlarına çıxacaqlar.

Belqrad "Partizan"ı Serbiya Super Liqasının 13-cü turunda səfərdə əzəli rəqibi "Crvena Zvezda" ilə derbi oyununa çıxacaq. "Partizan" hazırda 33 xalla turnir cədvəlinə başçılıq edir.

Kazan "Rubin"i isə Rusiya Premyer Liqasının 16-cı turu çərçivəsində səfərdə Vladiqafqaz "Alaniya"sı ilə qarşılaşacaq. Kazan təmsilçisi hazırda 27 xalla 6-cı sırada qərarlaşıb.

Milli.Az