Braziliya klubu finalda: rəqib "Rabitə", yoxsa "Fənərbağça"?

18 Oktyabr 2012 15:48

Bu gün "Rabitə" klublararası dünya çempionatında yarımfinal matçına çıxacaq. Apasport.az saytının məlumatına görə, Azərbaycan çempionu "Fənərbağça" ilə qarşılaşacaq.

Voleybolçularımız üçün görüş xüsusi əhəmiyyət daşıyır. Çünki son mövsümdə Çempionlar Liqasının 1/4 finalında Türkiyə təmsilçisinə uduzan komandamız bu dəfə qisas almağı planlaşdırır. Hər 2 komandanın heyətində isə kifayət qədər dəyişiklik olduğundan matçın gərgin keçəcəyini proqnozlaşdırmaq olar.

Digər yarımfinal oyununda isə Braziliya "Sollis Nestle"si Puerto-Rika "Lançeras de Katano"u ilə üz-üzə gələcək.

Klublararası dünya çempionatı
Yarımfinallar

"Sollis Nestle" - "Lançeras de Katano" - 3:0 (25:15, 25:13, 25:15)

19:00. "Fənərbağça" - "Rabitə"

Qeyd edək ki, çempion oktyabrın 19-da müəyyənləşəcək.

Milli.Az