Elarizin qızının toyu nələrlə yadda qaldı? - FOTOSESSİYA

16 İyun 2010 12:37

Milli.Az xəbər portalının məlumatına görə, Ülviyyə və Nicatın toyu müəyyən məqamlarla yadda qaldı. Belə ki, toyun bir saat gecməsinə baxmayaraq, toya təşrif buyuran KİV-nin çəkilişinə icazə verilməsinə məhdudiyyət qoyuldu. Amma bəzi hallarda çəkiliş aparan media nümayəndələrinin aktivliyi hiss olunurdu. Hətta, dəvət olunan qonaqlardan bəyin adını öyrənmək istədiyimiz halda, bəziləri bilmədiklərini və bəziləri də gizli saxladıqlarını bildirdilər. Müğənninin yeni qohumları qonşusu olduğunu da toyda öyrəndik. Toyun bir qədər ehtiyatlı və diqqətli keçməsi nəzərə çarpırdı. Çünki dəvət olunan qonaqlar və müğənnin həmkar dostları cütlük haqqında məlumatsız olduqlarını bildirirdilər. Ümumiyyətlə, baş verənlərə görə, son illərdə bir çox məşhurların özlərinin və övladlarının boşanmaları toy sahiblərini ehtiyatlı olmaq məcburiyyətinə səbəb olub.

Müğənni Rüfət Mehdiyevin aparıcı olduğu toya xalq artistləri Arif babayev, Flora Kərimova, Azər Zeynalov, o cümlədən əməkdar artistlər Almaz Ələsgərova və qızları, Mehriban Xanlarova, habelə müğənninin sənətçi dostları Kamran Həsənli, Rəşad İlyasov, İlqar Sail, rejissor Nail Naiboğlu, Xuraman Şuşalı, Natəvan Həbibi, Kərim Abbasov, Səidə Sultan, Nura Suri, rəqqasə Fatimə, Bəhram Bağırzadə, Nazənin, Lalə Məmmədova, Elçin Hüseynov, Rüstəm Zeynallının rəhbəri olduğu "Şeron" qrupu, Vasif Məhərrəmli, Arzu Rzayev, Səyyad Əlizadə, Tacir Şahmalıoğlu, "Faytonçu" Nazim, Samir Piriyev, Nəsib Nur, Coşqun Rəhimov, Pərvin Lətifov, "Kristal qrupu", Muxtar Abseynov və başqaları təşriş buyurdular. Bundan əlavə, Elarizin kürəkəninin Daxili İşlər Nazirliyindən olan dostları da qonaqlar arasında idilər.

Qeyd edək ki, Lalə Məmmədova, Bəhram Bağırzadə, Azər Zeynalov, Flora Kərimova, Elçin Hüseynov, Almaz Ələsgərli toya 2-3 saat gec gəldilər. Xüsusilə bildirək ki, "Faytonçu" Nazim ilə Elariz arasında "soyuq müharibə" olduğundan Nazim də toyun sonlarına yaxın gəldi. Amma buna baxmayaraq, onun toyda iştirakı maraqla qarşılandı.

Ümumiyytlə, saysız-hesabsız qonaqların, üstəlik akustika baxımından da səs-küylü keçən bu toya, müğənni Kərimin Almaz Ələsgərlinin qızları ilə şıdırğı rəqsləri, Səidə Sultanın dəhlizdə yarıçılpaq geyiminə görə gənclərin onunla şəkil çəkdirmələri, gec gəlib-tez gedən qonaqları və çoxsaylı müğənniləri ilə yadda qalan toy demək olar.

Fuad Mədətov
Milli.Az
--------------------------------------------------------------------------------

--------------------------------------------------------------------------------