General Zaur Rzayev vəfat edib
30 Yanvar 2010 13:01
Bu barədə APA-ya generalın ailəsindən məlumat verilib. Z.Rzayev uzun xəstəlikdən sonra yanvarın 29-da gecə saatlarında vəfat edib. Azərbaycan ordusunun ilk hərbi hissəsinin komandiri olmuş Z.Rzayev 1937-ci ildə Lənkəran rayonunda anadan olub. Bakı Ali Ümumqoşun Komandirləri Məktəbini bitirib. Sovet ordusunun müxtəlif hərbi hissələrində xidmət edib və bir müddət Bakı Dövlət Universitetində hərbi kafedranın rəisi olub.
1991-ci ilin oktyabr ayında polkovnik rütbəsində Azərbaycan Silahlı Qüvvələrinin keçmiş sovet ordusunun 18 110 saylı hərbi hissəsinin bazasında yaradılmış ilk hərbi hissəsinə komandir təyin edilib. Azərbaycan Silahlı Qüvvələrində korpus komandiri və müdafiə nazirinin istiqamətlər üzrə müavini olub.
Milli.Az