Bakıda sürücü sükan arxasında öldü

17 Noyabr 2026 16:06

Bakıda sürücü sükan arxasında vəfat edib.

Milli.Az qafqazinfo-ya istinadən xəbər verir ki, hadisə Sabunçu rayonu Bakıxanov qəsəbəsinin ərazisində baş verib.

Gecə saat 01 radələrində Bakı şəhər sakini 1975-ci il təvəllüdlü Rüfət Həsənovun meyiti özünə məxsus "Changan" markalı avtomobildə aşkar edilib.

Onun infarktdan öldüyü bildirilib.

Faktla bağlı araşdırma aparılır.

Müəllif: Malik Məlikov (Milli.Az redaktor)