Şəmkirdə evdən kişi və qadın meyiti tapılıb

16 Noyabr 2026 21:32

Şəmkir rayonunda evdən iki nəfərin meyiti aşkarlanıb.

Milli.Az APA-ya istinadən bildirir ki, hadisə rayon ərazisində qeydə alınıb.

Belə ki, evlərin birində kişi və qadının meyiti tapılıb.

Hadisə yerinə polis və prokurorluq əməkdaşları cəlb olunublar.

Meyitləri aşkarlanan şəxslərin kimliyi və ölüm səbəbləri barədə hələlik məlumat verilməyib.

Faktla bağlı araşdırma aparılır.

Müəllif: Ülkər Vəliyeva (Milli.Az redaktor)