Süfrələrin əvəzedilməzi və şəfa mənbəyi olan bal növləri üzrə aparılan araşdırma yeni qənatə gəlib. İllərdir ən faydalı hesab edilən çiçək və şabalıd balını belə geridə qoyan xüsusi bal növü yüksək antioksidant və antibakterial tərkibi ilə zirvəyə yüksəlib.
Milli.Az xəbər verir ki, sağlam qidalanmaq və immun sistemini gücləndirmək istəyənlərin ilk seçimi olan bal növləri fərqli qida dəyərlərinə malikdir. Şəfa deyiləndə ağla ilk olaraq şabalıd və yay çiçəyi balları gəlsə də, mütəxəssislərin nəticələri fərqli mənzərə ortaya qoyub. Aparılan analizlərə görə, qida dəyəri və antibakterial gücünə görə bütün rəqiblərini qabaqlayan ən sağlam bal növü Manuka balı (və yerli ekvivalenti olan yüksək dağlıq ərazilərin xam kəklikotu / propolisli balları) olub.
Şabalıd balını da üstələdi
Yeni Zelandiya və Avstraliyaya xas Manuka kolunun çiçəklərindən əldə edilən bu xüsusi balı sıradan ballardan fərqləndirən ən kritik detal tərkibindəki yüksək Metilglioksal (MGO) birləşməsidir. Standart çiçək və şabalıd ballarında cüzi miqdarda olan bu maddə Manuka balında qat-qat çoxdur.
Yerli alternativi hansıdır?
İdxal olunduğu və məhdud istehsal edildiyi üçün baha qiymətə satılan Manuka balına əlçatımlılığı məhdud olanlar üçün mütəxəssislər yerli alternativləri də göstərirlər. İstilik emalından keçməmiş (pastorizə edilməmiş) xam kəklikotu balı və yüksək dağlıq propolisli xam bal tərkiblərindəki zəngin fenolik birləşmələr sayəsində immuniteti ən sürətli dəstəkləyən yerli seçimlər sırasındadır.
Müəllif: Ülkər Vəliyeva (Milli.Az redaktor)