"Muhteşem yüzyıl" serialında Şahzadə Mustafa obrazını canlandırmaqla məşhurlaşan aktyor Mehmet Günsür həyat yoldaşı Katerina Mongio ilə bağlı müzakirələrə münasibət bildirib.
Milli.Az xəbər verir ki, aktyor italiyalı rejissor xanımı ilə "Altın Portakal" festivalına qatılıb. Tədbir zamanı Katerinanın müsahibə boyunca həyat yoldaşına sevgi dolu baxışlarla diqqət yetirməsi kameralara tuş gəlib. Həmin görüntülər sosial şəbəkələrdə yayıldıqdan sonra bəzi istifadəçilər aktyorun xanımını tənqid edən şərhlər yazıblar.
Mehmet Günsür isə sonrakı tədbirlərdən birində mövzuya münasibət bildirərək sosial şəbəkədəki rəylərə əhəmiyyət vermədiyini vurğulayıb:
"Şərhlər heç vecimə də deyil. Kim nə istəyir, onu da deyə bilər".
Qeyd edək ki, Mehmet Günsür və Katerina Mongio 20 ildir evlidirlər. Cütlüyün Ali, Maya və Kloe adlı üç övladı var.
Müəllif: Tural Hüseyn (Milli.Az redaktor)