Xəbər verdiyimiz kimi, Xalq artisti Zaur Rzayev ötən gün dünyasını dəyişib.
Müğənnin oğlu Nadir Rzayev atasının vəsiyyətini Axşam.az-a açıqlayıb. O bildirib ki, atası yas mərasiminin çəkilməsini istəməyib:
"Atamın vəsiyyəti bu olub. Onun yasını, dəfnini çəkib şoulaşdırmasınlar. Bizim ailə belə hallardan uzaqdır. Hamıdan xahiş edirəm, atamın vəsiyyətinə hörmətlə yanaşılsın. Atamın nəşi evimizdən götürüləcək. Bilirik, hamı öz işini görür. Amma Zaur Rzayevin də istəyi bu olub".
Müəllif: Tural Hüseyn (Milli.Az redaktor)