İllərdir bal alarkən şan, yoxsa süzmə balın daha təbii olduğu mübahisə edilsə də, qida və apiterapiya mütəxəssisləri əsas məsələnin balın təqdimat formasında deyil, arının nektarı topladığı mənbədə olduğunu bildirirlər. Bioloji dəyəri və şəfası ən yüksək olan bal növü bəlli olub.
Milli.Az xəbər verir ki, aparılan laboratoriya analizlərinə görə antibakterial xüsusiyyətləri, mineral sıxlığı və antioksidant tutumu ən yüksək olan bal növü şam və palıd balı kimi şirə/ağac ballarıdır:
Çiçək ballarından fərqli olaraq, arılar bu balı çiçək nektarından deyil, ağac gövdələrindəki xüsusi şirələrdən və fermentlərdən hazırlayır.
Boğaz infeksiyalarından immunitetin gücləndirilməsinə qədər bədəndə təbii antibiotik effekti verir və xarlanmağa qarşı daha davamlıdır.
Şəffaf yox, tünd rəngli bal seçilməlidir:
Mütəxəssislər "açıq sarı və şəffaf bal ən yaxşısıdır" düşüncəsinin yanlış olduğunu vurğulayırlar:
Balın rəngi neçə tündləşərsə, tərkibindəki fenol birləşmələri, dəmir, kalsium və maqnezium nisbəti bir o qədər yüksək olur.
Şan və ya süzmə olmasına baxmayaraq, tünd rəngli, sertifikatlı şam və ya meşə ballarına üstünlük verilməsi tövsiyə olunur.
Müəllif: Ülkər Vəliyeva (Milli.Az redaktor)