Əfsanəvi futbolçu Lionel Messi İspaniya Kralı VI Felipe və Kraliça Letisiya ilə rəsmi şam yeməyinə dəvət olunub.
Milli.Az qafqazinfo-ya istinadən xəbər verir ki, "İnter"in (Mayami) ulduzu bu gün axşam İspaniyanın Ovyedo şəhərində Campoamor Teatrında təşkil olunacaq təntənəli mərasimdə iştirak edəcək.
Ona idman sahəsindəki uğurlarına və xeyriyyəçilik fəaliyyətinə görə İspaniyanın ən nüfuzlu mükafatlarından sayılan "Asturiya Şahzadəsi Mükafatı" (Premio Princesa de Asturias 2026) veriləcək.
Qeyd edək ki, görüşdən dərhal sonra Messi MLS çərçivəsində növbəti matçda iştirak etmək üçün yenidən ABŞ-yə (Nyu-Yorka) qayıdacaq.
Müəllif: Tural Hüseyn (Milli.Az redaktor)