Müğənni Türkan Vəlizadə sənət yolunun ilk illərini xatırlayıb, ona dəstək göstərən sənət adamlarından söz açıb.
Milli.Az xəbər verir ki, ifaçı "Sevilən səhər" verilişində qonaq olarkən 2008-ci ildə qatıldığı müsabiqədən danışıb. O bildirib ki, həmin vaxt münsiflər heyətində Vüqar Xamalızadə, Elmira Səfərova, Mahir İbrahimov və Röya Ayxan kimi tanınmış simalar yer alıb.
Türkan Vəlizadənin sözlərinə görə, o illərdən etibarən musiqini daha dərindən öyrənməyə çalışıb. Xalq artisti Röya Ayxan da gənc ifaçıya dəstək göstərərək onun həm görünüşünü, həm də səhnə tərzini bəyəndiyini bildirib.
Müğənni Röya Ayxanın ona verdiyi məsləhətləri də xatırlayıb. Sənətçi insan daim öz üzərində işləməli, yalnız maddi qazanc haqqında düşünməməli olduğunu da Türkan vurğulamağı unutmayıb.
Vəlizadə sənətə başladığı dövrdə ona ilk xeyir-dua verən şəxsin də Röya Ayxan olduğunu söyləyib.
Müğənninin açıqlamasının ətraflı təfərrüatları verilişdən yayımlanan videomaterialda yer alıb.
Müəllif: Tural Hüseyn (Milli.Az redaktor)