Türkiyə millisində Montellanın yerinə keçəcək baş məşqçi müəyyənləşdi

7 Oktyabr 2026 19:53

Arda Turan Vinçenzo Montellanı Türkiyə millisinin baş məşqçisi vəzifəsində əvəz edə bilər.

Milli.Az xəbər verir ki, bu iddia ilə İtaliyanın "La Gazzetta dello Sport" nəşri çıxış edib.

Nəşr qeyd edir ki, Arda Turan Montellanın yerinə keçə biləcək ən güclü namizəddir.

Bildirilir ki, Montellanın istefası rəsmiləşərsə, italiyalı mütəxəssis 915 min avro məbləğində təzminat alacaq.

----------

Türkiyə milli komandasının UEFA Millətlər Liqasındakı uğursuz çıxışı baş məşqçi Vinçenzo Montellanın gələcəyini gündəmə gətirib.

Milli.Az Türkiyə mətbuatına istinadən xəbər verir ki, italiyalı mütəxəssis turnirdə komandanın keçirdiyi dörd qarşılaşmanın hamısında məğlubiyyətlə üzləşib. Nəticələrdən sonra Montellaya yönələn tənqidlərin artdığı bildirilir.

İddialara görə, Türkiyə Futbol Federasiyasının (TFF) prezidenti İbrahim Hacıosmanoğlu italiyalı çalışdırıcı ilə əməkdaşlığı dayandırmaq qərarına gəlib.

Məlumata əsasən, Montellanın TFF ilə müqaviləsi 2028-ci il Avropa çempionatının sonuna qədər qüvvədədir. Onun illik əməkhaqqının 2 milyon 200 min avro olduğu qeyd edilir.

TFF rəhbərliyinin müqaviləyə vaxtından əvvəl xitam veriləcəyi təqdirdə Montellaya beş aylıq maaşı məbləğində təzminat ödəyəcəyi də məlumatlar sırasındadır.

Müəllif: Tural Hüseyn (Milli.Az redaktor)