Bu il məişət zorakılığından zərər çəkmiş 46 nəfər sosial reabilitasiya xidmətləri ilə təmin olunub.
Milli.Az xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyindən məlumat verilib.
Bildirilib ki, sosial reabilitasiya xidmətlərindən yararlanan şəxslərin 26-sı uşaqdır.
Onlar Agentliyin müvafiq müəssisəsində 2021-ci ildən fəaliyyət göstərən Məişət zorakılığından zərər çəkmiş şəxslər üçün sosial reabilitasiya şöbəsində xidmətlərə cəlb olunublar.
Həmin şəxslərin sosial reabilitasiyası və sosial statuslarının bərpası istiqamətində fərdi iş planına uyğun tədbirlər həyata keçirilib.
Qeyd edilib ki, şöbədə müasir tələblərə uyğun şərait yaradılıb. Buraya qəbul edilən şəxslər sosial-məişət, sosial-iqtisadi, sosial-psixoloji, tibbi-sosial və sosial-məsləhət yardımı xidmətləri ilə əhatə olunurlar.
Müəllif: Malik Məlikov (Milli.Az redaktor)