Meyxanaçı Namiq Qaraçuxurlunun illər əvvəl çəkilən görüntüləri yenidən sosial şəbəkələrdə diqqət mərkəzinə düşüb.
Milli.Az xəbər verir ki, arxiv kadrları meyxana məclislərindən birində lentə alınıb. Görüntülərdə Namiq Qaraçuxurlunun məşhur "rəvayət"ini səsləndirməsi və sözləri ustalıqla bir-birinə bağlaması diqqət çəkir.
Paylaşılan video izləyicilər tərəfindən maraqla qarşılanıb. Sosial şəbəkə istifadəçiləri sənətçinin əvvəlki çıxışını xatırlayaraq onun yaradıcılığı və meyxana sənətindəki fəaliyyəti barədə fikirlərini bölüşüblər.
Arxiv görüntüləri xüsusilə meyxana həvəskarları arasında nostalji ab-hava yaradıb.
Müəllif: Tural Hüseyn (Milli.Az redaktor)