"İnter Mayami"nin hücumçusu Lionel Messi futbol tarixində cərimə zərbələrindən vurulan qolların sayına görə ikinci pilləyə yüksəlib.
Milli.Az oxu.az istinadən xəbər verir ki, argentinalı futbolçu buna MLS-də "San-Dieqo" ilə 2:2 hesablı heç-heçə etdikləri matçda nail olub.
39 yaşlı Messi karyerasında cərimə zərbələrindən 71-ci qolunu vuraraq əfsanəvi braziliyalı futbolçu Peleni (70 qol) geridə qoyub.
Bu göstəricidə rekord 77 qolla Juninyo Pernambukanoya məxsusdur.
Qeyd edək ki, Messi "San-Dieqo" ilə oyunda "İnter Mayami"nin heyətində rəsmi turnirlərdə 101-ci qolunu vurub. O, cari mövsümdə MLS-də keçirdiyi 22 matçda 20 qol və 11 məhsuldar ötürmə ilə yadda qalıb.
Müəllif: Malik Məlikov (Milli.Az redaktor)