"Neftçi"nin sabiq futbolçusu Ruslan Lukin vəfat edib.
Milli.Az xəbər verir ki, "Neftçi"nin yetirməsi olan veteran hücumçu 54 yaşında dünyasını dəyişib.
Ölkəmizdə "Neftçi"dən başqa, "Dinamo"da (Bakı) da oynamış Ruslan Lukin Moskva "Lokomotiv", Minsk "Dinamo"su, Beer Şeva "Hapoel"i kimi klubların da formasını geyinib.
O, həm də bir müddət Belarusda məşqçilik fəaliyyəti ilə məşğul olub.
Qeyd edək ki, noyabrın 21-də Ruslan Lukinin 55 yaşı tamam olacaqdı. (Prosport.Az)
Müəllif: Tural Hüseyn (Milli.Az redaktor)