Xəyalındakı işə girmək istəyən namizədlərin ən çox çətinlik çəkdiyi mərhələ şübhəsiz ki, müsahibələr olur. Həyəcan, təzyiq və gözlənilməz suallar namizədləri çətinə salarkən, işə qəbul rəhbərləri namizədin taleyini saniyələr içində müəyyən edən kritik səhvləri bölüşüblər.
Milli.Az xəbər verir ki, HR mütəxəssisləri qarşılaşdıqları ən qeyri-adi müsahibə qəzalarını və namizədlərin birbaşa kənarlaşdırılmasına yol açan halları qeyd ediblər.
Süni intellemtdən kömək almaq sizi işsiz qoya bilər
Son dövrlərdə onlayn müsahibələrdə süni intellekt istifadəsi HR mütəxəssislərinin ən çox qarşılaşdığı problemlərdən birinə çevrilib. Bir işə qəbul rəhbəri kameranın qarşısındakı namizədin sualları ChatGPT-yə yazıb cavabları birbaşa oxuduğunu anladığı anı danışır. Namizədə ən çox qürur duyduğu uğuru soruşulduqda namizədin "İnsanların ümumiyyətlə uğur duyğusu hiss etdikləri bəzi şeylər bunlardır..." şəklində ümumi bir əzbər oxuması namizədin dərhal rədd edilməsinə səbəb olub. Rəhbərlər bu cür yanaşmaların namizədin qeyri-kafiliyini və ya müstəqil işləyə bilməyəcəyini göstərdiyini qeyd edirlər.
Qapıdan içəri girdiyiniz an işi itirməyinizə səbəb olan hallar
HR mütəxəssislərinin müsahibə prosesində əsla tolerantlıq göstərmədiyi halların başında qeyri-ciddilik və peşəkarlıqdan uzaq davranışlar gəlir. Zoom vasitəsilə aparılan bir görüşməyə köynəksiz qatılan namizədlər qeyri-ciddilikləri səbəbindən ilk saniyədə ələnir, gigiyena qaydalarına riayət etməyənlər də eyni taleyi yaşayırlar. Masanın digər ucundan hiss edilən pis qoxular qədər otağı bürüyən həddindən artıq tünd ətirlər də görüşmənin diqqətini yayındırdığı üçün mənfi qiymətləndirilir.
Bundan əlavə, müsahibəyə anası və ya atası ilə gələn və ya randevunu valideyninə tənzimlədən namizədlər müstəqil işləyə bilməyəcəkləri düşüncəsi ilə dərhal ələnirlər. Müsahibədən əvvəl və ya gözləmə zonasında ətrafdakıları fərq etməyərək həftə sonu edilən spirtli ziyafətləri və işdən yayınmaq üçün atılan yalanları danışan namizədlər isə dürüstlük və etika meyarlarını pozduqları üçün birbaşa ələnmə səbəbi sayılırlar.
Müəllif: Ülkər Vəliyeva (Milli.Az redaktor)