Avtomobilin qapı tutacaqlarına qoyulan kağız salfet və ya dəsmalların oğrular və pis niyyətli şəxslər tərəfindən bir dələduzluq və işarələmə üsulu olaraq istifadə edildiyi açıqlanıb. Təhlükəsizlik mütəxəssisləri bu vəziyyətin sadə bir zibil və ya təsadüf olmadığını diqqətə çatdıraraq sürücülərə xəbərdarlıq ediblər. Mütəxəssislərin verdiyi məlumata görə, sözügedən üsul əsasən iki fərqli məqsədlə tətbiq olunur:
Milli.Az xəbər verir ki, üsulun əsasını sürətli aldatma texnikası təşkil edir. Avtomobilinə minən sürücü mühərriki işə saldıqdan sonra qapı tutacağındakı salfeti görür. Sürücünün mühərrik işlək vəziyyətdə və ya açar kontaktda olarkən salfeti götürmək üçün maşından düşməsi səbəbindən yaxın məsafədə gözləyən şübhəlilər yaranan ani dalğınlıqdan istifadə edərək oğurluq əməlini törədirlər.
Qapı tutacaqlarına buraxılan əşyalar eyni zamanda bir nəzarət mexanizmi kimi istifadə olunur. Buraxılan kağızın uzun müddət və ya günlər boyu eyni yerdə qalması avtomobilin sahibsiz olduğu və ya sürücünün yaxın vaxtda qayıtmayacağı məlumatını verir. Bu vəziyyət təkər oğurluğu və ya avtomobilin zorla açılması kimi əməlləri asanlaşdırır.
Mütəxəssislər sözügedən hallarla qarşılaşdıqda izlənilməli olan addımları bu şəkildə sıralayırlar:
Avtomobilə yaxınlaşmazdan əvvəl: Sürücülərin maşınlarına tərəf yönəlməzdən əvvəl ətrafı nəzarətdə saxlamaları və şübhəli şəxslərin olub-olmadığını müşahidə etmələri tövsiyə olunur.
Maşına minməzdən əvvəl fərq edilsə: Salfet götürülüb atıldıqdan sonra vaxt itirmədən avtomobilə minmək və mərkəzi kilidləri dərhal işə salmaq lazımdır.
Maşına mindikdən sonra fərq edilsə: Qapıların kilidli saxlanılması, mühərrikin işə salınması və avtomobildən düşüb salfeti təmizləmək üçün izdihamlı və yaxşı işıqlandırılmış bir əraziyə çatana qədər yola davam edilməsi tövsiyə olunur.
Müəllif: Ülkər Vəliyeva (Milli.Az redaktor)