Azərbaycan vətəndaşı Hafiz Süleymanov Gürcüstanda itkin düşüb.
Milli.Az APA-ya istinadən bildirir ki, bu barədə Acarıstanın "Batumelebi" nəşri yazıb.
Qohumu nəşrə bildirib ki, Hafiz Süleymanov quru sərhədlə Türkiyədən Gürcüstana keçib və avqustun 28-dən etibarən onunla əlaqə saxlamaq mümkün deyil.
Gürcüstanın Daxili İşlər Nazirliyindən "Batumelebi" nəşrinə bildirilib ki, itkin düşmüş Azərbaycan vətəndaşı ilə bağlı axtarış tədbirləri həyata keçirilir.
Müəllif: Ülkər Vəliyeva (Milli.Az redaktor)