Meksikanın Meksika ştatında kilsələrdən birində saxlanılan pirotexniki vasitələrin partlaması nəticəsində azı 10 nəfər ölüb, 81 nəfər yaralanıb.
Milli.Az xəbər verir ki, hadisə sentyabrın 5-də axşam saatlarında Santa-Mariya-Kançes qəsəbəsində baş verib.
Partlayış nəticəsində kilsə binasının bir hissəsi uçub, insanlar dağıntılar altında qalıb. Hadisə yerinə xilasedicilər və təcili tibbi yardım briqadaları cəlb olunub. Binanın dayanıqlığının pozulması axtarış-xilasetmə işlərini çətinləşdirib.
Partlayışın dəqiq səbəbi hələlik açıqlanmayıb. İlkin ehtimallara görə, hadisəyə pirotexniki vasitələrlə ehtiyatsız davranılması səbəb ola bilər.
Müəllif: Nərmin Mahmudova (Milli.Az müxbir)