Azərbaycan Prezidenti İlham Əliyev İtaliyanın Baş naziri Ciorcia Melonini təbrik edib.
"İtaliya Respublikasının tarixində ən uzun müddət Baş nazir vəzifəsində olan şəxsə çevrilməsi münasibətilə Baş nazir Ciorcia Melonini ürəkdən təbrik edirəm. Bu tarixi nailiyyət onun güclü liderliyinin, siyasi qətiyyətinin və İtaliya xalqının etimadının göstəricisidir. Baş nazir Meloninin şəxsi rolunu və Azərbaycan ilə İtaliya arasında strateji tərəfdaşlığın möhkəmləndirilməsinə verdiyi dəyərli töhfəni yüksək qiymətləndirirəm. Əminəm ki, ölkələrimizin və xalqlarımızın rifahı naminə dostluğumuz və qarşılıqlı faydalı əməkdaşlığımız bundan sonra da dərinləşəcək və genişlənəcək", - dövlət başçısının rəsmi "X" sosial şəbəkə hesabındakı paylaşımda qeyd olunub.
Müəllif: Malik Məlikov (Milli.Az redaktor)