"Qarabağ"dan ayrılıb Malayziyanın "Yohor Darul Tazim" (Johor DT) klubuna keçən Dani Bolt yeni komandasında qol sevinci yaşayıb.
Milli.Az xəbər verir ki, Malayziya Kubokunun 1/8 final mərhələsinin ilk oyununda "Yohor Darul Tazim" səfərdə "Damansara" komandasının qonağı olub. Qarşılaşma qonaqların 4:1 hesablı inamlı qələbəsi ilə yekunlaşıb.
1 sentyabr
"Damansara" - "Yohor Darul Tazim" - 1:4
Qollar: A.Akmal, 90+1 // Jairo, 3-pen.; Dani Bolt, 29, M.Hidalqo, 42, 53
Xatırladaq ki, 27 yaşlı sağ cinah oyunçusu "Qarabağ"a 2025-ci ildə Portuqaliyanın "Torrense" klubundan transfer olunmuşdu. Ağdam təmsilçisi avqustun 29-da futbolçu ilə yollarını ayırıb.
Müəllif: Ülkər Vəliyeva (Milli.Az redaktor)