Toy mərasimlərindən birində bəyin dostlarının gəlinlə bağlı etdiyi maraqlı zarafat sosial şəbəkələrdə müzakirələrə səbəb olub.
Milli.Az xəbər verir ki, xınayaxdı mərasimi zamanı gözlənilməz səhnə yaşanıb. Gəlindən başqa bəy üçün də bu mərasim icra edilib. Daha sonra bəyin dostları onun ətrafında dövrə vuraraq xınayaxdı mərasimini zarafatla həmin şəxs üçün keçiriblər.
Mərasim zamanı çəkilən görüntülər sosial şəbəkələrdə paylaşıldıqdan sonra izləyicilərin diqqətini çəkib. Sözügedən zarafat istifadəçilər tərəfindən birmənalı qarşılanmayıb.
Bəzi izləyicilər görüntüləri əyləncəli hesab etsə də, digərləri toy mərasimində bu cür zarafatların uyğun olmadığını bildiriblər. Görüntülər ətrafında müxtəlif fikirlər bildirilib.
Müəllif: Tural Hüseyn (Milli.Az redaktor)