Azərbaycanlı gənc xanəndə Dünya Teymurzadənin görüntüləri Türkiyənin məşhur müğənnisi Hadisənin İstanbulda baş tutan konsertində nümayiş olunub.
Milli.Az xəbər verir ki, İstanbul Festivalı çərçivəsində səhnəyə çıxan Hadisə konsert zamanı pərəstişkarları üçün maraqlı sürpriz hazırlayıb.
Belə ki, sənətçinin "Ara Beni" mahnısını ifa edən şəxslərin sosial şəbəkələrdə paylaşdığı videolar konsertin gedişində nəhəng ekranda nümayiş etdirilib. Həmin görüntülərdə Dünya Teymurzadənin ifası da yer alıb.
Gənc xanəndənin görüntülərinin minlərlə tamaşaçının qarşısında böyük ekranda göstərilməsi diqqət çəkib.
Qeyd edək ki, Dünya Teymurzadə xanəndəlik fəaliyyəti ilə tanınır. O, Habil Məmmədovun tələbələrindən biridir. Gənc ifaçı muğam və təsniflərlə yanaşı, tanınmış mahnıları da özünəməxsus tərzdə ifa edir.
Müəllif: Tural Hüseyn (Milli.Az redaktor)