Mütəxəssislərin fikrincə, ilk görüşdə qarşı tərəfin etibarını qazanmağın əsas yolu bahalı məkan və nümayişkaranə jestlər deyil, səmimi və hörmətli ünsiyyətdir.
Milli.Az lent.az-a istinadən bildirir ki, söhbət zamanı söz kəsmədən diqqətlə dinləmək, göz təması qurmaq və telefonu kənara qoymaq qarşı tərəfdə dəyərli olduğu hissini yaradır. Təbii və dürüst davranmaq, görüşə vaxtında gəlmək, empatiya göstərmək və xidmət işçiləri ilə nəzakətli rəftar etmək də müsbət təəssüratı gücləndirir.
Mütəxəssislər bildiriblər ki, ilk görüşdə qüsursuz görünməkdən daha vacib olan qarşı tərəfin özünü rahat və güvəndə hiss etməsidir. Bu davranışlar ikinci görüş ehtimalını xeyli artıra bilər.
Müəllif: Tural Hüseyn (Milli.Az redaktor)