Tayvanın Tainan şəhərində tullantıların toplandığı ərazidə güclü yanğın və ardınca partlayış baş verib.
Hadisə avqustun 22-də şəhərin Annan rayonunda qeydə alınıb. Partlayış nəticəsində 15 nəfər, o cümlədən 12 sakin və 3 yanğınsöndürən xəsarət alıb. 68 evə ziyan dəyib.
Hadisə yerinə 144 yanğınsöndürən və 53 yanğınsöndürən maşını cəlb olunub. Yanğının söndürülməsi 4 saatdan çox davam edib.
Partlayışın səbəbləri araşdırılır. İlkin məlumata görə, ərazidə alüminium-maqnezium ərintisi və tullantı yağı aşkarlanıb.
Müəllif: Malik Məlikov (Milli.Az redaktor)