Gəncədə zibil poliqonunda ölü döl aşkarlanıb.
Milli.Az xəbər verir ki, hadisə şəhərin Cavadxan qəsəbəsində yerləşən zibil poliqonunda qeydə alınıb. Faktla bağlı Gəncə Şəhər Prokurorluğunda araşdırma aparılır.
Baş Prokurorluğun Mətbuat Xidmətindən bildirilib ki, hadisə yerinə baxış keçirilib və aşkarlanan ölü döl məhkəmə-tibbi ekspertizaya göndərilib.
Hadisənin hansı şəraitdə baş verdiyini müəyyənləşdirmək üçün zəruri prosessual tədbirlər görülür.
Araşdırmanın yekunlarına əsasən hadisəyə hüquqi qiymət veriləcək.
Müəllif: Nərmin Mahmudova (Milli.Az müxbir)