Sumqayıt şəhərində altı avtomobilin iştirakı ilə zəncirvari yol-nəqliyyat hadisəsi baş verib.
Milli.Az report-a istinadən xəbər verir ki, hadisə İsmət Qayıbov küçəsində qeydə alınıb.
Belə ki, BMV, "Hunday" markalı iki avtomobil, habelə "Opel", "Toyota" və "Kia" markalı minik avtomobilləri toqquşub.
İlkin məlumata görə, hadisəyə BMV markalı avtomobilin sürücüsünün səbəb olduğu ehtimal edilir. Belə ki, idarəetmədən çıxan BMV əvvəlcə "Opel" markalı avtomobilə çırpılıb, daha sonra isə yol kənarında dayanan digər avtomobillərə çırpılıb.
Qəza nəticəsində xəsarət alanların olduğu bildirilir. Hazırda onların sayı dəqiqləşdirilir.
Hadisənin başvermə səbəbi və təfərrüatlar araşdırılır.
Müəllif: Tural Hüseyn (Milli.Az redaktor)