Uzun müddətdir ekranlardan uzaq qalan aktrisa Gamze Özçelik yeni layihə ilə tamaşaçı qarşısına çıxmağa hazırlaşır.
Milli.Az xəbər verir ki, aktrisa TRT-nin rəqəmsal platforması üçün hazırlanan "Operasyon Alesta" serialı ilə 8 ildən sonra aktyorluğa geri dönüb.
Özçelik serialdan ilk kadrları paylaşaraq layihədə yer aldığı üçün xoşbəxt olduğunu bildirib.
Yeni ekran işində aktrisa Afrikada çalışan mühəndis Zeynep obrazını canlandıracaq. Serialın yaxın aylarda yayımlanacağı gözlənilir.
Qeyd edək ki, Gamze Özçelik "Arka Sokaklar" serialında canlandırdığı Komiser Zeynep Akyüz obrazı ilə geniş tamaşaçı kütləsinin rəğbətini qazanmışdı.
Müəllif: Malik Məlikov (Milli.Az redaktor)