Futbol ulduzu Kriştianu Ronaldo nişanlısı Corcina Rodrigeslə ailə qurmağa hazırlaşır.
Xarici mətbuata istinadən verilən məlumata görə, məşhur cütlüyün toy mərasimi Ronaldonun doğulub boya-başa çatdığı Portuqaliyanın Madeyra adasında keçiriləcək.
Bildirilir ki, adanın paytaxtı Funşaldakı kafedral kilsə möhtəşəm toy mərasimi üçün artıq rezerv edilib. Toy ziyafətinin isə adanın məşhur beşulduzlu otellərindən birində təşkil olunacağı qeyd olunur.
41 yaşlı Portuqaliya millisinin kapitanı Ronaldo uşaqlıq illərini Funşalda keçirib. O, Corcina Rodrigeslə 2016-cı ildə tanış olub, ötən ilin avqustunda isə ona evlilik təklifi edib.
Ronaldo daha əvvəl açıqlamasında Corcina ilə Dünya Çempionatından sonra evlənməyi planlaşdırdığını bildirmişdi.
Qeyd edək ki, Portuqaliya millisi son mundialda İspaniya yığmasına məğlub olaraq turnirlə vidalaşmışdı.
Müəllif: Malik Məlikov (Milli.Az redaktor)