Müğənni Aysel Əlizadə sosial şəbəkədə paylaşdığı yeni görüntülərlə izləyicilərinin diqqətini çəkib.
Milli.Az xəbər verir ki, sənətçi yeni aldığı dəbdəbəli villasından videolar yayımlayaraq yaxın günlərdə həmin evə köçməyə hazırlaşdığını bildirib.
Paylaşılan kadrlarda villanın geniş həyəti, müasir interyeri və zövqlə hazırlanmış dizaynı diqqət çəkib. Aysel Əlizadə yeni yaşayış məkanının müxtəlif guşələrini də izləyicilərinə göstərib.
Müğənninin paylaşımı qısa zamanda sosial şəbəkələrdə maraqla qarşılanıb. İzləyicilər villanın görünüşü və interyeri ilə bağlı çoxsaylı şərhlər yazaraq sənətçiyə xoş arzularını çatdırıblar.
Aysel Əlizadənin yeni evindən yayımladığı görüntülər sosial mediada geniş yayılaraq müzakirə olunan paylaşımlardan birinə çevrilib.
Müəllif: Tural Hüseyn (Milli.Az redaktor)