İsmayıllıda baş verən qəzada ölənlərdən biri həkim olub.
Lent.az-ın əldə etdiyi məlumata görə, qəzada dünyasını dəyişən 67 yaşlı Elmira Duxiyeva həkim-ginekoloq olub. O, Zaqatala mərkəzi xəstəxanasında çalışırmış.
Lent.az qəzada ölənlərin fotolarını da əldə edib.
-------------
İsmayıllı rayonunda ölümlə nəticələnən yol-nəqliyyat hadisəsi baş verib.
Milli.Az-ın məlumatına görə, hadisə bu gün saat 16 radələrində İsmayıllı rayonu ərazisində qeydə alınıb. "Mercedes" markalı avtomobil idarəetmədən çıxaraq beton maneəyə çırpılıb.
Nəticədə nəqliyyat vasitəsində olan 52 yaşlı İlqar Süleymanov və 67 yaşlı Elmira Duxiyeva aldıqları xəsarətlərdən hadisə yerində ölüblər, 1 nəfər xəsarət alıb.
Daxili İşlər Nazirliyinin Mətbuat Xidmətinin regional qrupundan Oxu.Az-ın sorğusuna cavab olaraq bildirilib ki, faktla bağlı cinayət işi başlanılıb, araşdırmalar aparılır.
Müəllif: Tural Hüseyn (Milli.Az redaktor)