"Arzum 9999" ləqəbi ilə tanınan bloger İlduzə Hacıyevanın yol-nəqliyyat hadisəsi ilə bağlı cinayət işi üzrə məhkəmə prosesi başa çatıb.
Milli.Az bakupost.az-a istinadən xəbər verir ki, hökmə əsasən, o, 2 il 6 ay sürücülük hüququndan məhrum edilməklə, 5 il 2 ay azadlıqdan məhrum edilib.
Məhkəmə iclasından sonra blogerin atasının halı qəfil pisləşib və o, huşunu itirib.
Daha sonra sualları cavablandıran ata, qarşı tərəf haqda sərt çıxış edib:
"Qarşı tərəflə danışmaq istəmirəm. Nə danışım onlarla? Hamısı qan qusacaq. Allahdan istəyirəm ki, qan qussunlar".
Müəllif: Tural Hüseyn (Milli.Az redaktor)