Milli Məclisin Ukrayna ilə parlamentlərarası əlaqələr üzrə işçi qrupunun rəhbəri Əlibala Məhərrəmzadə və qrupun üzvü Erkin Qədirli iyunun 29-da Ukraynanın paytaxtı Kiyevə səfər edəcəklər.
Milli Məclisin ictimaiyyətlə əlaqələr şöbəsindən verilən məlumata görə, səfər Ukrayna Ali Radasının Azərbaycanla parlamentlərarası əlaqələr üzrə deputat qrupunun həmsədri Volodimir Kreydenkonun dəvəti əsasında baş tutacaq.
Səfər proqramı çərçivəsində bir sıra rəsmi görüşlərin keçirilməsi nəzərdə tutulur. Görüşlərdə Azərbaycan və Ukrayna arasında parlamentlərarası əməkdaşlığın hazırkı vəziyyəti və gələcək inkişaf perspektivləri ətrafında fikir mübadiləsi aparılacaq.
Müəllif: Malik Məlikov (Milli.Az redaktor)