Bəzən ən dərin sevgilər ifadə olunma tərzi səbəbindən ən böyük xəyal qırıqlıqlarına çevrilə bilər. Öz dünyalarında sevginin ən saf halını yaşayan, lakin sahiblənən, məsafəli və ya tənqidi xarakterlərinə görə sevdikləri tərəfindən "anlaşılmayan" bu bürclər əslində sevgini ən intensiv hiss edənlər arasındadırlar.
Milli.Az xəbər verir ki, sevgi universal bir dildir, lakin hər bürcün bu dili danışma tərzi fərqlidir. Bəzi bürclər sevgilərini tənqid edərək, sahiblənərək və ya sərhədlər çəkərək göstərirlər. Bu intensiv enerji bəzən qarşı tərəf tərəfindən "təzyiq" və ya "məsafəli" kimi qəbul edilə bilir.
Qız bürcü sevgisini, sevdiyi insanın qüsurlarını düzəltməyə çalışaraq göstərir. "Səni düşündüyüm üçün bunu deyirəm" deyərək etdiyi hər bir xəbərdarlıq, qarşı tərəf tərəfindən "yetərsizlik hissi" və ya "davamlı tənqid" kimi qəbul edilir. Əslində o, sevgisini münasibəti inkişaf etdirmək üçün istifadə edir, lakin bu detallı yanaşma qarşı tərəfin "məni olduğum kimi qəbul etmir" deyə düşünməsinə səbəb ola bilər.
Əqrəb bürcü üçün sevgi "bir olmaq" və heç bir sirrin qalmaması deməkdir. Buna görə də sevdiyi insanın həyatını didik-didik edir, sədaqətini test edir və hər addımından xəbərdar olmaq istəyir. Əqrəb bunu "səni qorumaq və sənə ehtirasla bağlı qalmaq" üçün edərkən, sevdiyi insan bunu "nəzarət edilmək" və ya "boğulmaq" kimi qəbul edir.
Oğlaq bürcü "Səni sevirəm" demək yerinə, "Sənin gələcəyin üçün bunu etdim, bunu planlaşdırdım" deyir. O, sevgisini praktiki həllər və təhlükəsizlik təmin edərək sübut etməyə çalışır. Lakin emosional istilik gözləyən partnyoru, Oğlaqın bu məsafəli və vəzifə mərkəzli rəftarını "soyuqluq" və ya "laqeydlik" kimi yozur.
Dolça bürcü sevgisini, "sənə sahə buraxıram, çünki sənə güvənirəm" deyərək ifadə edir. Qarşısındakı insanı məhdudlaşdırmır, onun azadlığına qarışmır. Ancaq bu azadlıqsevər rəftar emosional bağlılıq gözləyən şəxs tərəfindən "laqeydlik" və ya "məni həyatının mərkəzinə qoymur" kimi qəbul edilir. Dolça sağlam olduğunu düşündüyü bir sevgi tərzini müdafiə edərkən, sevdiyi insan tərəfindən "məsafəli və qopmuş" olmaqla günahlandırıla bilər.
Müəllif: Ülkər Vəliyeva (Milli.Az redaktor)