Azərbaycan Mərkəzi Bankının (AMB) İdarə Heyəti uçot dərəcəsini 6,5% səviyyəsində dəyişməz saxlayıb.
Milli.Az xəbər verir ki, bu barədə AMB məlumat yayıb.
Qərara əsasən, faiz dəhlizinin aşağı həddi 5,5%, yuxarı həddi isə 7,5% səviyyəsində saxlanılıb.
Qurumdan bildirilib ki, qərar qəbul edilərkən faktiki və proqnozlaşdırılan inflyasiyanın hədəf diapazonunda sabit qalması, qlobal maliyyə bazarlarındakı tendensiyalar, geosiyasi risklər və ölkə daxilində mövcud makroiqtisadi vəziyyət nəzərə alınıb.
Müəllif: Malik Məlikov (Milli.Az redaktor)