Qarpız alarkən sadəcə qabığına vurub çıxan səsi dinləmək artıq kifayət etmir.
Milli.Az xəbər verir ki, daha dəqiq nəticə üçün bu xüsusiyyətlərə diqqət yetirin:
Sap hissəsi:
Qarpızın sapı quru və saralmış olmalıdır.
Sapın ətrafındakı nazik tükcüklər tökülmüş olmalıdır.
Sap hissəsinin ucuna doğru nazilməsi qarpızın yetişdiyini göstərir.
Rəng və parlaqlıq:
Qarpızın rəngi açıq və parlaq olmalıdır.
Qabığında sanki bir güzgü kimi yüngül parlaqlıq (yansıma) olmalıdır.
Alt hissəsi (Ləkə):
Qarpızın yerə toxunan alt hissəsindəki ləkənin sarı rəngdə olması onun yetişdiyinə dair ən güclü əlamətlərdən biridir.
Şəkil və toxuması:
Qarpızın forma baxımından bərabər ölçüdə olması vacibdir.
Qabığa vurduqda gələn səs dolu səs olmalıdır, lakin bu üsul digər əlamətlərlə birlikdə dəyərləndirilməlidir.
Niyə qarpıza vurmaq tək başına yetərli deyil?
Mütəxəssislər bildirirlər ki, qarpızın yetişməsi onun qabığının və sapının vəziyyəti ilə daha dəqiq bilinir. Vuraraq səsə qulaq asmaq köhnə bir vərdişdir. Hazırda mövsümün ən yaxşı vaxtı olduğu üçün, yuxarıda sadalanan xüsusiyyətlərə sahib qarpızları rahatlıqla alıb istifadə edə bilərsiniz.
Müəllif: Ülkər Vəliyeva (Milli.Az redaktor)