"Sabah" heyətini yeni transferlə gücləndirib.
Paytaxt təmsilçisinin məlumatına görə, portuqaliyalı yarımmüdafiəçi Rodriqo Fernandeşlə 2 illik müqavilə imzalanıb.
25 yaşlı futbolçu son olaraq "Şamaxı"nın formasını geyinib. Portuqaliyanın "Sportinq" akademiyasının yetirməsi olan Fernandeş karyerası ərzində klubun əsas və əvəzedici komandalarında çıxış edib. O, həmçinin "Portu"nun əvəzedici komandasında da oynayıb.
Yeni mövsümdən etibarən Rodriqo Fernandeş "Sabah"ın uğurları üçün mübarizə aparacaq.
Müəllif: Malik Məlikov (Milli.Az redaktor)