Azərbaycanda yaxın günlərdə qeyri-sabit hava şəraiti müşahidə olunacaq.
Milli Hidrometeorologiya Xidmətinin məlumatına görə, iyunun 20-si günün ikinci yarısından etibarən dağlıq və dağətəyi rayonlarda, iyunun 21-dən 25-dək isə ölkənin bəzi ərazilərində arabir yağış yağacağı gözlənilir.
Sinoptiklər xəbərdarlıq edirlər ki, ayrı-ayrı bölgələrdə yağıntılar intensiv xarakter ala, şimşək çaxa və dolu düşə bilər. Həmçinin çaylarda sululuğun artacağı, bəzi dağ çaylarında isə qısamüddətli daşqın və sel hadisələrinin baş verə biləcəyi ehtimal olunur.
Məlumata əsasən, küləkli və yağıntılı hava şəraitinin təsiri ilə iyunun 21-də havanın temperaturu əvvəlki günlərlə müqayisədə 4-7 dərəcə aşağı düşəcək.
Müəllif: Malik Məlikov (Milli.Az redaktor)