"Real Madrid"in mərkəz müdafiəçisi Antonio Rüdiger komandanın yeni baş məşqçisi Joze Mourinyo haqqında fikirlərini bölüşüb.
Milli.Az İdman.Biz-ə istinadən bildirir ki, portuqaliyalı məşqçi 13 il sonra "Real Madrid"ə qayıdıb.
"Mourinyo kimi məşqçi gerçəkləşən bir xəyaldır. Mən onunla işləməyə hazıram", - deyə "Madrid Zone" Rüdigerdən sitat gətirib.
Mourinyo bu ilin yanvar ayında Xabi Alonsonun istefasından sonra kluba qoşulan Alvaro Arbeloanı əvəz edib.
"Benfika"nın məşqçisi "Los Blancos"la 2029-cu ilin ortalarına qədər müqavilə imzalayıb. Mourinyo əvvəllər 2010-cu ildən 2013-cü ilə qədər "Real Madrid"in baş məşqçisi olub. Bu müddət ərzində o, komandanı İspaniya liqasının tituluna, eləcə də İspaniya Kuboku və Super Kubokuna gətirib çıxarıb.