"Sabah" heyətini yeni futbolçu ilə gücləndirib.
Milli.Az xəbər verir ki, bununla bağlı klub məlumat yayıb.
Bildirilib ki, braziliyalı müdafiəçi Junior Erivaldo Almeyda bundan sonra Azərbaycan çempionunun uğurları üçün çalışacaq. 26 yaşlı futbolçu ilə 3 illik müqavilə bağlanıb.
Almeyda Portuqaliyanın "Maritimu" klubundan transfer edilib. Mərkəz müdafiəçisi karyerası ərzində Braziliyanın "Novorizontino" (2020-2023), "Katanduva" (2021), "Votuporanguense" (2022), Portuqaliyanın "Eştrela Amadora" (2022-2023) və "Maritimu" (2024-2026) komandalarında oynayıb.