"Zita və Gita" filmi ilə milyonların sevgisini qazanan məşhur hind aktrisası Hema Malini illər sonra yenidən gündəmə gəlib.
Milli.Az xəbər verir ki, sosial şəbəkələrdə yayılan son görüntüləri aktrisanın pərəstişkarlarının diqqətini çəkib. Bir çox izləyici vaxtilə ekranların sevilən siması olan Hema Malininin illər ərzində xeyli dəyişdiyini qeyd edib.
Aktrisa yaradıcılıq fəaliyyətinə gənc yaşlarında başlayıb. O, xüsusilə 1970-ci illərdə böyük populyarlıq qazanan Seeta Aur Geeta filmi sayəsində dünya miqyasında tanınıb. Hema Malininin eyni filmdə iki fərqli obrazı canlandırması onun karyerasında dönüş nöqtəsi olub və onu Bollivudun ən məşhur simalarından birinə çevirib.
Aradan keçən onilliklər ərzində aktrisa çoxsaylı ekran işlərində rol alıb və filmografiyası 150-dən artıq layihəni əhatə edib.
Hema Malininin şəxsi həyatı da uzun illər medianın diqqət mərkəzində olub. O, filmdə tərəf müqabili olan Dharmendra ilə ailə həyatı qurub. Cütlüyün münasibətləri uzun müddət Hindistan mətbuatında geniş müzakirə olunub.
Bu gün də Hema Malini Bollivudun ən tanınmış və yadda qalan aktrisalarından biri kimi xatırlanır. Onun son görüntüləri isə pərəstişkarları arasında maraqlı müzakirələr yaradıb.
Musa
Milli.Az