Ailənizlə yeni bir həyata başlamağı planlaşdırırsınızsa və ya yaşam xərcləri ilə həyat keyfiyyəti arasında mükəmməl balans axtarışındasınızsa, "Remitly" şirkətinin yenicə yayımladığı "Immigration Index 2026" hesabatı köçmək üçün ən cəlbedici marşrutları ortaya qoyur.
Milli.Az xəbər verir ki, bu indeks; qida, kirayə, ipoteka xərcləri və alıcılıq qabiliyyəti kimi maddi göstəricilərlə yanaşı, mədəniyyət, təhsil sistemi, xoşbəxtlik indeksi, səhiyyə xidmətləri, təhlükəsizlik və maaşlar kimi 34 fərqli meyar üzrə 82 ölkəni qiymətləndirib.
2026-cı ildə köçmək üçün ən yaxşı 10 ölkə (Ümumi Reytinq)
Ötən il ikinci pillədə qərarlaşan İsveçrə, 2026-cı il siyahısında liderliyi ələ keçirib. "Remitly"nin hesabatına əsasən, İsveçrə yüksək qazanc potensialı, güclü səhiyyə sistemi və təhlükəsizlik standartları ilə dünyada bir nömrədir.
Ümumi reytinqdə ilk onluq belə sıralanır:
İsveçrə
İslandiya (Beynəlxalq məktəb sayının azlığı səbəbindən liderliyi itirib)
Lüksemburq (Avropanın mərkəzində sabitlik və mükəmməl nəqliyyat sistemi)
Avstraliya (İlk beşlikdə Avropa xaricindən yer alan yeganə ölkə)
Almaniya (Güclü işçi hüquqları və uzunmüddətli karyera imkanları)
İrlandiya
ABŞ
Danimarka
Norveç
İspaniya
Ailələr üçün ən uyğun ölkələr
Uşaqlı ailələrin həyat şəraiti, təhsil sistemi, analıq/atalıq məzuniyyəti müddəti və uşaq baxımı xərcləri nəzərə alındıqda isə reytinq tamamilə dəyişir:
Güclü sosial infrastrukturu və əlçatan həyat şəraiti ilə İspaniya ailələr üçün ilk sırada yer alıb.
Bu kateqoriyada ilk 10-luğa İspaniyadan başqa cəmi 3 Avropa ölkəsi daxil ola bilib: Böyük Britaniya (8-ci), İslandiya (9-cu) və Xorvatiya (10-cu).
Siyahının qalan hissəsini Çin, ABŞ, Şri-Lanka, Birləşmiş Ərəb Əmirlikləri, Avstraliya və Banqladeş tamamlayır.
Yaşam xərcləri və gəlir balansının ən yaxşı olduğu ölkələr
Maaşlara nisbətən kirayə haqqı, ev sahibi olmaq xərcləri və gündəlik tələbat mallarının qiymətləri müqayisə edildikdə isə fərqli bir mənzərə yaranır:
Yüksək maaşlar və mənzil əldə etməyin daha asan olması səbəbindən Səudiyyə Ərəbistanı bu siyahıya başçılıq edir. (Qeyd: Məlumatlar ABŞ-İsrailin İrana yönəlmiş hücumundan əvvəl toplanıb).
Bu göstərici üzrə Avropada ən yaxşı balans təklif edən ölkə Norveç (ümumi siyahıda 4-cü) olub. Onu dərhal Danimarka (5-ci) izləyir. Lüksemburq 8-ci, İrlandiya isə 9-cu pillədədir.
Banqladeş (2-ci), ABŞ (3-cü), Oman (6-cı), Pakistan (7-ci) və Nepal (10-cu).
Lalə Qüdrətova
Milli.Az